Ajeeb larki hoon khud ko jalana chahti hoon
Mai khud ko rakh ker kahee bhool jana chahti hoon

Mere naseeb ki khushiyaan bhee kab mili mujh ko
Bas ab to umer bher aansoo bhana chahti hoon

Najanay kitni mohabbat hai ranj-o-ghum se mujhe
Koi bhee dard ho dil mai chupana chahti hoon

Baha baha k ye aasnoo bikhar chuki hoon bohat
Simat k zaat mai ab muskurana chahti hoon

Jisay eik umer dil mai chupa k rakha hai
Wo raaz aaj mai sab ko batana chahti hoon

Wahee hai yaad jo acha kaha hai logon ne
Baqi saaray sitam bhool jana chahti hoon

Mujhe zamanay ne pathar samjh liya hai mager
Mai eik larki hoon sab ko batana chahti hoon

Jo mujh se rooth chuke hain zamanay ki khushiyaan
To mai bhee un khushiyoon se rooth jana chahti hoon

Koi to ho jo lagaye mujhay seenay se
Kisi ko mai bhee apnay ghum sunana chahti hoon

Tu apnay dil k her eik dar ko khool day
Mai dard ban ker teray dil mai aana chahti hoon....!!!!!